Stephen Curry a la tar lo

American point guard Stephen Curry chuan a la tar lo tih lantirin, nimin zing khan Orlando Magic lakah point 41 a score a, a team chu 126-119 in a chakpui.

Chase Center, San Francisco-a inkhelah Warriors-in bul an ṭan ṭha zawk a, Yaxel Lendeborg langsar nghalin first quarter-ah an inthlauh lai berin point 14 zetin hma an hruai hman hial.

Second quarter tawp lam aṭangin Curry a inlarn ṭan a, eng anga defence khauhah pawh point a hlawh chhuak thei zel a, a tawp thlengin a team chu a chungung zawkah a ṭanpui thei.

Kum 38 mi Curry hi Lendeborg (23 pts) bakah Brandin Podziemski (15 pts) leh Georges Niang (11 pts) ten an thlawp ṭha a, Warriors player zingah point nei lo an awm lo bawk.

Magic tan Franz Wagner chuan point 30 a score tling a, Magic player zingah Wagner bakah hian player paliin point 10 aia tam score tling mah se Curry an ngam lo a, a tlawm zawkah an ṭang.

Tun season-ah Warriors-in bul an ṭan ṭha tawk lo a, an match hmasa pathumah an tlawm vek. Mahse Warriors an insiamṭha leh tawh a, Curry hoin an match hnuhnung pasarihah hnehna an chang vek.

Curry hi a kum tam ve deuh tawh mah se a la thiam reng a, court chhunga a inlanin player langsar ber a ni thei ziah. Curry bakah veteran player Draymond Green chu Warrioirs tan a pawimawh ṭhin bawk.