Paris Masters-ah Alcaraz a champion

Pathianni zan khan Paris Masters final-ah Carlos Alcaraz chuan Ben Shelton chu 7-6 (7-5), 7-5 a hnehin a champion. Thla li chhung a chawlh hnuah Alcaraz hi kumin US Open-ah a rawn kir a, September thla khan US Open quarterfinal-ah Shelton hneh loin a tla. Alcaraz hian Paris Masters-ah Ben-a lakah phuba a la chiah.

Kum 23 mi Alcaraz hian Paris Masters 1000 tournament-ah a vawi khat nan a champion. Spanish tennis star Alcaraz chuan, "Ka career-ah Paris Masters champion tumin hun rei tak ka bei tawh a, helai hmunah hian inkhel hautak hmachhawnin a vanduai zawkah ka ṭang ṭhin. Tun ṭumah erawh player ṭha tak ka hmachhawn chungin a vannei zawkah ka ṭang a, ka tan chuan a hlu em em a ni," tiin a sawi.