Vawiin aṭangin MFA Under 17

Shyam Steel MFA Under 17 chu vawiin aṭangin Durtlang Playground-ah khelh ṭan a ni dawn. Inelna hi tun hmaa MPL U17/U18 tih ṭhin kha a ni a, tun hnuah MFA Under 17 hming puin MPL club tan lo pawh khelh theih a ni tawh. Tun ṭumah hian team 12 an tel a, group pahniha ṭhendarh an ni a, inkhel hi Zonet YouTube channel-ah en theih a ni ang.

Group A-ah Lushai Corner FA, Saikhamakawn FC, MFA Elite FA, Kanan FC, MLS FC leh Ramthar Veng FC te an awm a, group B-ah Aibawk Zone FA, SYS FC (Saidan), Mizoram Police FC, Chanmari FC, 4Brothers (Durtlang) leh Dinthar FC te an awm thung.