Gauff-i'n chakin bul a ṭan

WTA Finals chu nimin aṭang khan khelh ṭan a ni a, Coco Gauff chuan Jessica Pegula chu 6–4, 6–7(5–7), 6–2 a hnehin bul a ṭan. Inkhel dangah Linda Nosková chuan Marta Kostyuk chu 6–2, 6–4 in a hneh bawk.

Inelna hi hmeichhe season tawp-a khelh ṭhin a ni a, ranking-a a sang pariat khelh ṭhin a ni. tun ṭumah hian damlohna vangin world no. 1 Elena Rybakina a tel thei lo a, a aiah ranking-a no. 9 Marta Kostyuk telh a ni.

Group 1-ah Gauff (4), Pegula (5), Noskova (8) leh Kostyuk (9) te awm a, group 2-ah Aryna Sabalenka (2), Mirra Andreeva (3), Elina Svitolina (6) leh Karolina Muchova (7) te an awm thung.