Bogle-a'n beih a tawk nasa

Leeds United defender Jayden Bogle chu Inrinni zana, Tottenham Hotspur nen an inhmachhawn ṭuma a chet dan avangin Spurs fans an lawm lo a, social media kaltlangin beih a tawk nasa hle.

Kum 26 mi Bogle hian Spurs winger Mathys Tel chu hlauhawm takin a rap a, hnawhchhuah ngei tura ngaih ni mah se referee John Brooks-a'n yellow card pawh a phawrh lo a, Spurs hi chak lo zuiin fans an lawm lo hle.

London club fans tam tak chua Bogle hi social media-ah bei zuiin, vun rawng inhmusitna rawngkaia an khum pawh an tam. He thil hi Leeds chuan an ngai thutak hle a, Premier League hotute hnenah chhui zuia turin an ngen dawn.

Leeds chuan, "Football leh a kaihhnawih thilah vun rawng leh chi inthliarna hian hmun a chang tur a ni lo. Club hruaitute chuan EPL thuneitute nen thawkhoin Bogle beitute zawn chhuah an tum dawn a, a ṭul anga hrem an ni ang," tiin thuchhuah an siam.