Mizoramin U13 leh U16-ah final an lut

Sunfeast Cup final round chu Guwahati-ah November 11, Thawhṭanni aṭang khan khelh ṭan a ni a, Mizoram aiawha tel FC Stonzz, Armed Veng (Under 13) leh KFA, Ramhlun North (Under 16) ten final an lut.

Nimin tlai semifinal khelhah FC Stonzz hian Tripura 2-1 in an hneh a, KFA hian final lut turin Assam nen hun pangngaiah 0-0 in an inhnehtawk a, penalty shoot out-ah 4-3 in an chak. Vawiin tlai dar 4:30 hian Under 13 final khelh a ni dawn a, Armed Veng club Stonzz leh Assam te an inkhel ang. Under 16 final hi zan dar 6:00-ah khelh tur niin Mizoram aiawh KFA hmachhawn tur hi Meghalaya an ni.

Sunfeast Cup buatsaihtute hian an official facebook page kaltlangin final hi an live ang.