President's Cup 2019
Cricket Association of Mizoram (CAM) hnuaia inelna ngaihhlut zinga pakhat President's Cup 2019 chu vawiin aṭang hian khelmual pahnihah khelh ṭan a ni dawn a, match pali a awm nghal ang.
Ramhlun Sports Complex leh Durtlang khelmualah te inelna hi neih a ni dawn a, team ṭha Ramhlun Venglai leh Armed Veng inkhel tur hi a hmuhnawm nghal dawn a, tun hnaia ruah sur vanga khelmual dinhmun a danglam avangin beisei loh result a thleng thei.
President's Cup-ah hian division inthliarna a awm lo, season dangah chuan third round aṭangin I Division an inlan chauh ṭhin. Kuminah erawh kalphung thlak a ni a, round hmasa ber aṭangin team ṭha an inlan nghal dawn.
Season hmasa champion Bawngkawn South leh finalist Chanmarians te an bye a, vawi li champion tawh leh record nei ṭha Kulikawn chuan an match hmasa ber atan November 14, Ningani hian Ramhlun Sports Complex-ah Ramhlun Venglai Jr. an hmachhawn dawn a ni.
Board of Control for Cricket in India (BCCI) hnuaia an awm hnuah CAM pawh hmasawn zawngin a kal zel a, tun inelnaah hian tun hma lama la tih ngai loh Video Analyst hman tum a ni a, inkhel hi Cricheroes App aṭangin live score en theih a ni bawk ang.
President's Cup 2019 Fixtures
A hmun : Ramhlun Sports Complex
November 13, Nilaini
Pacers 09:00 AM Tlangnuam
Ramhlun Venglai 12:30 PM Armed Veng
November 14, Ningani
ILmov 09:00 AM Chhinga Veng
Kulikawn 12:30 PM Ramhlun Venglai Jr.
November 15, Zirtawpni
Upper Republic 09:00 AM Lily Veng
Legends 12:30 PM Mynas
November 16, Inrinni
Zarkawt Lord's 09:00 AM Croms
Luangmual 12:30 PM Sihhmui
November 18, Thawhṭanni
Bawngkawn South 09:00 AM Laipuitlang/Hunthar
A hmun : Durtlang Khelmual
November 13, Nilaini
Laipuitlang 09:00 AM Hunthar
Saron Veng 12:00 PM Gorkha
November 14, Ningani
Durtlang 09:00 AM VRCC
Sihphir 12:00 PM Gladiators
November 15, Zirtawpni
Gorkha Rising 09:00 AM Zemabawk Pitchers
Chanmari 12:00 PM Chaltlang
November 18, Thawhṭanni
Chanmarians 09:00 AM Pacers/Tlangnuam