Dec 21-ah Mipa National Boxing C'ship

10th Elite Men’s National Boxing Championship 2026 chu December 21-28, 2026 chhung hian Patna, Bihar-ah neih a ni dawn.

National Boxing C'ship mipa inelnaah hian category 10 : 47-50,5055, 55-60, 60-65, 65-70, 70-75, 75-80, 80-85, 85-90 leh +90 kgs ah ṭhen a ni a, Mizo mipa boxer zingah gold la thei an la awm lo.

Tun ṭum National Championship hi World Boxing Championships Astana 2027 khel tur thlanna tur a ni a, inelna hi Olympic nen pawh a inzawm. Astana-a neih tur World Boxing C'ship hi Los Angeles 2028 Olympic Games-a tel tur zawnna hmasa ber a ni dawn.

Mizoram Boxing Association (MIZBA) hian mipa inelnaah team tirh ngei a tum a, a rang lamin selection a buatsaih dawn. December 1, 2026 hian BFI-ah player tel tur zat thehluh tur a ni a, December 10, 2026-ah hming nen thehluh tur a ni ang.