Andreeva leh Sabalenka te an chak

WTA Finals-ah nimin khan Mirra Andreeva leh Aryna Sabalenka ten an match hmasa berah hnehna an chang. Indian Wells-a inkhelah Andreeva hian Elina Svitolina chu 6-4, 6-0 in a hneh a, Sabalenka hian Karolína Muchová chu 7-6 (7-2), 7-5 in a hneh ve bawk.

Zanin dar 1:30 hian Svitolina leh Muchova te an inkhel ang a, Sabalenka leh Andreeva te an inkhel chhunzawm ang. WTA Finals-ah hian WTA ranking-a a sang pariat chauh an tel thei a, world number 1 Elena Rybakina a tel theih loh avangin world number 9 Marta Kostyuk a tel thung.

Group 2-ah Sabalenka (2), Andreeva (3), Svitolina (6) leh Muchova (7) te an awm a, group 1-ah Coco Gauff (4), Jessica Pegula (5), Linda Noskova (8) leh Kostyuk (9) te an awm. Nizan khan group 1 lam an inkhel a, result kan hre hman lo.