Ram tan ka inlan loh chhan an hre lo –White

Arsenal defender Ben White chuan kum 2022 World Cup-a, England national team aṭanga a inhnuhdawh chhan chu tuman an hre lo a, midang hrilh a tum kher loh thu a sawi.

Kum 29 mi White hi Gareth Southgate-a'n kum 2022 World Cup, Qatar-a khelhah khan a koh a, mahse mimal thil avangin national camp chhuahsanin Southgate-a'n England a enkawl chhung chu inlan a tum tawh loh thu a sawi hial.

Brighton & Hove Albion defender hlui chuan, "Mi tumahin ka thutlukna siam chhan kha an hre lo a, a chhan chu engmah ka sawi loh vang a ni. Sawi kher a ṭulna ka hre lo a, ka buainaah khan midang an inrawlh loh kha ṭha ka ti ber.

Khatiang thutlukna siam kha a ṭula ka hria a nih chuan ka hreh lo, mahse tunah chuan ka ṭhiante kiangah ka awm leh tawh a, hun kal tawh chu theihnghilh vek mai kha a ṭha a ni," a ti.

Three Lions chuan November 12, Ningani zan hian Nations League-ah dar 1:15-ah Croatia an hmachhawn dawn a, Thomas Tuchel chuan Gunners defender hi koin White pawhin a kohna hi a pawm a, team-ah a tel leh tawh.