Noskova leh Pegula te an chak

WTA Finals-ah Thawhlehni zan khan world number 8 Linda Nosková chuan Coco Gauff chu 6-3, 6-3 in a hneh a, match hmasa berah Marta Kostyuk chu 6–2, 6–4 a hneh tawh bawkin, group 1-ah hmahruaitu niin semifinal lut hmasa ber a ni.

Group khatah hian player pali an awm a, a sang pahnihin semifinal an lut dawn. Inkhel dangah Jessica Pegula chuan Kostyuk chu 6-2, 7-5 in an hneh ve bawk. Group 1 match hnuhnung berah Gauff-i'n zanin dar 1:30 hian Kostyuk a hmachhawn dawn a, hemi zawh hian Pegula leh Noskova te an inkhel ang.

Tun dinhmunah Noskova hi vawi hnih chak tawh an ni a, Gauff leh Pegula te hi vawi khat ve ve chak tawh niin Kostyuk-i'n chak a la nei lo. Wimbledon champion Noskova chiahin semfinal a la lut a, player dang pathumin semifinal beiseina an la nei ve bawk. Knockout stage khel tur thlan dawn hian chak zat hi en hmasak ber tur niin, chumi zawhah an set lak zat en leh tur a ni.