Andreeva-i'n Sabalenka a hneh

WTA Finals-ah Nilaini zan khan Mirra Andreeva chuan world number 2 Aryna Sabalenka chu 6-4, 6-0 in a hneh a, Elina Svitolina a hneh tawh bawk avangin semifinal a lut. Inkhel dangah Svitolina hian Karolína Muchová chu 3–6, 6–2, 6–2 in an hneh.

French Open champion Andreeva hian bul a ṭan ṭha tawk lo a, set khatnaah Sabalenka-i'n 4-1 in hma hruai mah se Russian nula hian a zawnin game 11 a la a, Grand Slam-a vawi li champion tawh Sabalenka lakah hnehna a chang.

Andreeva chuan, "Dik taka sawi chuan Aryna khelh ṭhat ṭum ka tawng lo a, chuvangin ka tan inchhuanna tur a awm lo. Hetiang han tawn chang hian nuam lo ka ti ṭhin a, chutihrualin ka tum chu chak a ni a, ka tih hlawhtlin avangin ka lawm," tiin a sawi.

Group 2-ah Andreeva-i'n semifinal lut tawh mah se player dang pathumin semifinal luh beiseina an la nei vek. Zanin dar 1:30 hian Andreeva leh Muchova an inkhel ang a, hemi zawh hian Sabalenka leh Svitolina te an inkhel zui ang.