World Cup aṭangin USA an inhnukdawk

FIFA Under 17 World Cup neih turah United States national team chu, tharum thawhnaa an him zawk nan leh inelna neihna hmun tur Qatar dinhmun an ngaihtuah avangin an inhnukdawk.

Thla hmasa khan Yemen-a pawl pakhat chuan Qatar hi Saudi Arabia nena an inrina airport-ah an bei a, hemi hnu lawk hian Saudi leh Yemen ngei pawh an beih chhunzawm bawk.

US Department of State chuan an ram team hi Qatar-a an kal tur chungchangah inngaihtuah chiang turin a lo ti tawh a, US Football team chuan ngun taka an ngaihtuah hnuah, inelna hmachhawn lo turin thutlukna an siam ta a ni.

US Football chuan, "Kan player te leh coaching staff te himna hi kan ngai pawimawh ber a ni," an ti a, tharum thawhna leh inbeihna laka kan him zawk theihna turin World Cup khelh loh an thlang.

Tun hnaiah Qatar leh Saudi-ah buaina a tam avangin mi tam tak an chi ai a, Al Hilal striker Ollie Watkins-a nupui pawh a fate nen UK-ah an let leh tawh a, boruak a daih hma chu an kir leh tawh dawn lo tih khawthlang chanchinbuten an tarlang.

Under 17 World Cup hi November 19, Ningani zan aṭnga ṭan tur a ni tawh a, December 13, Pathianni zan thleng awh tura ruahman a ni. USA hi Group J-ah Montenegro, Chile leh Algeria te nen an awm ho a, he thu buatsaih lai thleng hian an aiawhtu tur tihfel a la ni lo.