Xhaka tel loa khel tur Switzerland

Switzerland midfielder Granit Xhaka chu a hremna hlihsak ni leh tawh mah se, hliam a neih avangin a inhnukdawk a, zanin dar 1:15-a Slovenia an hmachhawn hunah a inlan ve dawn lo.

Kum 34 mi Xhaka hi covid certificate lem a neih avangin hrem a ni a, September leh October-a Nations League khelhah pawh an ram tan a fehchhuak ve lo.

Sunderland midfielder hremna hi hlihsak ni leh tawh mah se, Pathianni zana Chelsea an hneh ṭum khan a chawnah hliam a tuar a, a chawlh rih a ngaih dawn avangin Red Crosses (Switzerland sawina) tana inlan leh turin a nghah hret a la ngai.

Arsenal midfielder hlui hi a chawlh chen tur sawi chian theih a la ni lo a, mahse November 16, Thawhṭanni zana Scotland an hmachhawn hunah pawh a la dam hman a rinawm loh niin khawthlang chanchinbute chuan an tarlang.

Chutihrualin Switzerland hi Group E-ah hmahruaitu an ni a, match li an khelh tawhah la chak vekin, Xhaka awm loh laiin harsatna an tawk lo. Remo Freuler, Johan Manzambi leh Dan Ndoye te an neih avangin an buai phah a rinawm loh.