Villa-in Maatsen an thlung nghet

Aston Villa chuan an full back Ian Maatsen chu an thlung nghet a, Dutch defender hian kum ruk daih contract a ziak. A contract hi a hmang zo a nih chuan kum 2032 thleng Villa Park-ah a châm dawn.

Villa chuan, "Maatsen hian theihna sang tak a nei a, tun hnaiah hma a sawn bawk. Hmabak nei êng ber pawl niin Villa tan Premier League leh Europe inelnaah a ṭangkai takzet," tiin a contract chungchanga thuchhuah an siamah an sawi.

Kum 24 mi Maatsen hi Chelsea academy chhuak niin, kum 2019 khan Blues tan a inlan ṭan. Mahse, London club tan rinrawl a ni pha lo a, Charlton Athletic, Coventry City, Burnley leh Borussia Dortmund-ah te loan-in a chhuak tawh.

Unai Emery-a'n kum 2024 khan a nghetin Maatsen hi a lei a, pound maktaduai 37.5 zet a seng. Villa tan match 100 chuang khel tawhin Spanish coach hnuaiah rinrawl a ni phak.

Tun season-ah Maatsen hian Villa tan league match sarih khel tawhin, goal khat leh assist pathum a nei leh der tawh a, Champions League final pawh lo khel tawh a nih avangin Villa tan a pawimawh leh dawn.