Referee observer an hrem

English football-a referee intelkhawm pawl 'Pro Ref' referee observer Brian Curson chu, League One inkhelah chi inthliarna ṭawngkam a hman avangin Football Association (FA) chuan kar kaw chhung atan an hrem.

Nikum November khan Curson hian Luton Town leh Rotherham United te inkhel chu a hmunah a en a, inkhelh zawha 'stadium lounge'-a a thilsawiah chi inthliarna a awm nia hriat a ni a, FA chuan chhui zuiin kum khat hnuah Curson hian dan a bawhchhia tih a nemnghet.

Curson-a thilsawi tak hi tarlan ni lo mah se, dan bawhchhe tur khawpin chi inthliarna lam hawi a nih thu khawthlang chanchinbute chuan an sawi. Curson chuan chutiang thil a sawi lai a hriat loh thu a sawi ve thung.

English football thuneitu sang hian Curson hi education programme kal turin an ti bawk a, a hma lam hun an ngaihtuahsak avangin warning pek a ni bawk.

FA chuan Curson hi football tana a hnathawh avangin ngaihhnathiamna nen an hrem a, thla hnih chuang hret a chawlh a ngai dawn. A hremna hi player chunga tla ni se match kua aṭanga match 12 chhung awh tur anga chhut a ni.