Vawiinah ADBBA Cup Final

Aizawl District Basketball Association (ADBBA) Cup 2026 chu a hmawr bawk a ni dawn a, vawiin chawhnu dar 1:30 hian D3 BC Kulikawn leh Mission Vengthlang Basketball Club te an inhmachhawn dawn.

Kumin ADBBA Cup-ah hian Mission Vengthlang hian final lut turin Dawrpui Vengthar BC, Khatla South Barons, Mischieve leh DGBC te an hneh a, an chak chiang thei hle.

Kulikawn hian Kanan BC, Zonuam BC leh TBL Junior te an hneh ve bawk a, match tinah an khingpuite nen point 15 chuangin an inthlauh ziah avangin an ṭhatzia a lang a, inkhel hmuhnawm a beisei ngam.

ADDBA vice president Emanuel Lawmkima chuan inelna hi a nupui Marina CH. Ralte hritreng nan a sponsor a, Most Valuable Player (MVP) thlan a ni leh dawn bawk. Inelna hi Hawla Indoor Stadium, Republic Vengthlangah neih a ni dawn a, ADBBA YouTube channel-ah a en theih bawk ang.