Mizo rawltharte inlan dawn

AFC Under-17 Asian Cup 2027 Qualifiers-ah India U17 chu vawiin chhun dar 1:00 hian an inlan dawn a, Guam U17 nen an inkhel dawn - an match hmasa berah India hian Singapore chu 4-2 in an hneh tawh a, an inringtawk khawp ang.

Singapore lakah hian captain Dallalmuon Gangte chuan hattrick a siam a, Kolasib Hmarveng rawlthar bakah hian Khawzawl midfielder R. Lawmsangzuala, Ruantlang defender Zoramdinthara, Armed Veng South defender Lawmsangzuala leh Thingsai defender Malsawmtluanga te chu squad-ah hian an awm bawk.

May 12-29, 2027-a Uzbekistan-a neih tur Asian Cup khel tur zawnnaah India hi group E-ah an awm a, Singapore leh Guam bakah Malaysia leh Palestine te nen group khatah an awm ho - group-a hmahruaitu chauh Asian Cup U17 2027 khel turin an tling dawn a, hei vang hian vawi khat chetsual a pawi thei.

India international hlui Mehrajuddin Wadoo kaihhruai India hi an tlang a nih chuan, a zawnin Asian Cup U17 an khel dawn tihna a ni.