ADBBA Cup-ah Misson Vengthlang an champion

Aizawl District Basketball Association (ADBBA) Cup 2026 final chu nimin khan khelh a ni a, Mission Vengthlang Basketball Club chuan D3 BC Kulikawn chu 87-79 a hnehin an champion.

Hawla Indoor Stadium, Republic Vengthlanga inkhelah a tir aṭangin team pahnihte an inhnehtawk a, mahse fourth quarter-ah MSVT an che ṭha zawk. Second 30 pawh awm tling tawh loah point riatin hma an hruai fal tawh a, kumin inelnaah phu takin an champion.

ADBBA Cup 2026 'Most Valuable Player' (MVP) atan Mission Vengthlang player Emanuel Lalpekhlua chu thlan a ni a, Ema hi final-ah pawh MSVT tan a langsar hle.

Mission Vengthlang hian final lut turin Dawrpui Vengthar BC, Khatla South Barons, Mischieve leh DGBC te an hneh a, an chak chiang thei hle. ADDBA vice president Emanuel Lawmkima chuan inelna hi a nupui Marina CH. Ralte hriatreng nan a sponsor a ni.