
Jharkhand lakah Mizoram an tlawm
Syed Mushtaq Ali Trophy-ah Mizoramin tun season aṭangin elite inelna an hmachhawn a, Inrinni khan Jharkhand lakah wicket rukin an chak lo.
Wankhede Stadium-ah Mizoram captain Joseph Lalthankhuma'n vuak hmasak a thlang a, bowler ṭha hmaah Mizo batter-te an che thei lo. State pawn aṭanga lak Manender Singh (20 runs) chauhin run 20 a siam tling.
Jharkhand tan hna harsa awm lo a, over 8.3-ah run 81 siamin hnehna an chang. Chutihrualin Mizoram bowler-te an che chhe lo a, wicket li an la hman tho. Vawiin tlai dar 1:30 hian Mizoram hian Baroda an hmachhawn ang.