
Kumamoto Masters-ah Lakshya Sen a champion
Badminton inelna ngaihhlut Kumamoto Masters Japan 2026-ah Lakshya Sen final-ah Koki Watanabe chu 13-21, 21-18, 21-14 a hnehin an champion. Hmeichhe lamah Japanese nula leh seeded no. 1 Akane Yamaguchi a champion ve bawk.
Kum 25 mi Lakshya Sen hian kum 2018 khan Commonwealth Games-ah gold a la tawh a, tun ṭum inelnaah pawh seeded pariatna a ni pha. Chutihrualin Indian shuttler hian semifinal-ah seeded player a hmachhawn chauh a, seeded no. 6 Alwi Farhan hnehin final a lut.
Final-a a hmachhawn khawtual tlangval hi seeded a ni pha lo a, mah se Koki Watanabe hian semifinal-ah seeded no. 2 Kunlavut Vitidsarn a hneh. Champion zawnaah Koki hian set khatna la mah se tawnhriat nei ṭha zawk Uttarakhand tlangval Lakshya Sen a rawn insiam ṭha a; 21-18 leh 21-14 a set hnuhnung pahnih lain hnehna a chang.