
Vawiin aṭangin LBS Suzuki All Mizoram Open Futsal

LBS Suzuki All Mizoram Open Futsal Tournament 2026 chu vawiin aṭangin khelmual pathum R. Dengṭhuama Indoor Stadium, HT Futsal Ground leh Israel Futsal Ground-ah te khelh a ni dawn. Inelna hi MFA hriatpui a ni a, Bawngkawn West Branch YMA buatsaih a ni. Inelna hian kar khat a awh dawn a, November 21, Inrinni zanah a hmawr bawkna neih a ni ang.
Champion hian Rs 80,000 an dawng dawn a, pahnihna hian Rs 40,000 an dawng ang a, semifinal khel pha chinin Rs 10,000 an dawng bawk ang. R. Dengṭhuama Indoor Stadium-a inkhel bik hi BR Studio YouTube channel-ah a en theih ang a, hmun danga inkhel pahnih erawh record a ni ang a, a hnuah BR Studio YouTube channel-ah dah chhuah leh a ni ang.