Police Meet-ah Mizoram vs Andaman

75th B.N. Mullik Memorial All India Police Football Championship-ah tukin zing dar 6:00 hian Mizoram Police-in Andaman & Nicobar an hmachhawn dawn. Inelna hi Chandrapur ground, Agartala-ah neih tur a ni.

MPL13 khelh zawh takah hian Mizoram Police hian semifinal-ah Dinthar FC hneh loin an vanduai a, amaherawhchu MPL ṭha taka an khar avangin Police Meet-ah pawh che ṭha tura ngaih an ni. Chutihrualin Police Meet-ah erawh MPL-a an hman civil player-te an chhawr thei tawh lo ang.

Mizoram Police hi CRPF (Nov 19, 6:00 am), Punjab (Nov 20, 8:30 am) leh Puduchery (Nov 22, 11:00 am) te n en an awm ho a, match a zawn deuh avangin squad chhah a pawimawh ang. March 2023 khan Srinagar-ah Mizoram Police hi 71st B.N. Mullik Memorial All India Police Football Championship-ah an champion tawh a ni.