
WTA Finals-ah Andreeva a champion
Mirra Andreeva chuan a vawi khat nan WTA Finals-ah a champion a, Pathianni zan khan final-ah Elina Svitolina chu 7-5, 6-3 in a hneh. Kum 19 mi Andreeva hi Maria Sharapova hnua WTA Finals-a champion thei naupang ber a ni.
French Open champion lai Andreeva hian kum 32 mi Svitolina hneh turin darkar khat leh minute 48 a mamawh. WTA Finals hi ranking-a a sang pariat chauh tel theihna a ni a, inkhelh banah Andreeva chuan, "He inelnaa champion tawh leh player ṭha tak tak zinga ka tel thei hi ka inchhuang hle. Final-ah ka theihna zawng zawngin ka khel a, a vannei zawkah ka ṭang a ni," tiin a sawi.
WTA Finals-ah Andreeva hi a che ṭha a, group stage-ah Aryana Sabalenka leh Diana Shnaider te bakah final-a a hneh Svitolina te hi a hneh a, semifinal-ah Jessica Pegula chu 6-3, 6-4 in a hneh bawk