Denmark hmachhawn tur Haaland a phur lo

Norway Nations League quarterfinal lut turin zaninah Denmark hneh an mamawh a, mahse an striker chhuanvawr Erling Haaland chuan a phur loh thu a sawi a, Norway fans tan ngaihthlak a nuam lo ang.

Kum 26 mi Haaland chuan, "Tunah rih chuan ka chauh deuh avangin Denmark hmachhawn tur hian ka phur lo khawp mai, mahse inkhel hmuhnawm tak kan chhawp chhuah ngei ka beisei.

Tun hnaiah match kan ngah a, Nations League kan khelh zawhah Inrinni zan hian Fulham kan hmachhawn leh nghal dawn a, ni thum hnu lawkah Champions League-ah Napoli kan mikhual leh dawn bawk," a ti.

Norway hi group D-ah pathumna an ni mek a, pahnihna dinhmun luah chunga knockout stage luh theih an la inbeisei. An hmaa ding tur hi an hneh tawh Denmark ni mah se, Portugal hneh zo hlim an nih avangin a dan a dang tawh dawn. An hneh a nih erawh chuan point hmuh zat inangah 'head to head'-ah an ṭhat zawk avangin an tlang thei ang.