Sreenidi Deccan an insiamṭha thei ang em?

Indian Football League-ah Sreenidi Deccan chuan zanin dar 6:30 hian FC Bengaluru United an tlawh dawn. Bangalore Football Stadium-a inkhel hi Unite8 Sports YouTube channel, DD Sports leh Waves App aṭangin a en theih ang.

IFL team ṭha zinga mi leh Mizo tamna Sreenidi Deccan-in match hnuhnung berah Shillong Lajong an hneh lo a, FC Bengaluru United lakah result ṭha an mamawh. Lajong an hmachhawn ṭumin Jerry Mawihmingthanga, Lalthankhuma (TK-a) leh Lalromawia ten bul an ṭan a, bench aṭangin Lalbiakdika, Brandon VL Remdika leh Rochharzela te an lut.

Amaherawhchu Mizo winger ṭha pathum BD-a, Brandon leh Chhara ten danglamna an thlen lo a, bul ṭantu zinga tel turin an thawhrim lehzual a ṭul bawk. Coach Mohanraj Nallapan-a kaihhruai Bengaluru United-ah Lalramdinsanga Ralte-in Real Kashmir an mikhual ṭumin a khel tluan a, Sreenidi an hmachhawn hunah pawh midfielder Ramdina hi a pawimawh ang.