Tennis Hall of Fame-ah Barty

Australia tennis star Ash Barty chu International Tennis Hall of Fame-a dahluh tura thlan a ni a, World number 1 hlui chuan inngaitlawm takin chawimawina chu phu lo a intih thu a sawi.

Kum 30 mi Barty chuan, "Ka lawm takzet a, a zahthlak ka ti tel bawk. Dik taka sawi chuan player ropui tak tak kianga awm hi ka phu lo ka ti," tiin a sawi.

Kum 2022 khan Barty hian kum 25 mi lek a nih laiin tennis a chawlhsan thu a puang a, chawlh a puan hian Australian Open a champion aṭangin thla hnih pawh a tling lo.

Tennis chawlhsan hma mah se Barty hian Australian Open (2022), French Open (2019) leh Wimbledon (2021) ah te a champion hman. Nakkum August hla khian International Tennis Hall of Fame-a Barty lawmluhna hun hi Rhode Island-ah neih a ni ang.

Barty hian tennis bakah cricket pawh a thiam a, professional cricketer a ni tel bawk. Kum 2014 khan tennis khelh chawl lailawkin Australia-a hmeichhe cricket inelna Big Bash League-ah a tel a ni.