Mizoram Police leh CRPF inhnehtawk

75th B.N. Mullik Memorial All India Police Football Championship-ah nimin zing khan Mizoram Police leh CRPF te goal awm loin an inhnehtawk. Mizo team hian goal chance ngah mah se inelna hnuhnung bera finalist CRPF lakah goal an khung thei lo a, point khatah an lungawi a ṭul.

Chandrapur ground, Agartala-ah inelna hi neih a ni a, Mizoram Police hian match hmasa berah Andaman & Nicobar 2-1 in an hneh a, CRPF nen an inhnehtawk zui avangin group stage paltlang turin khelh hmabakah chak a pawimawh dawn.

Tukin zing dar 8:30 hian Mizoram Police-in Punjab an hmachhawn dawn a, match hnuhnung berah Puduchery (Nov 22, 11:00 am) an hmachhawn chhunzawm ang. Group khat aṭangin team pahnihin knockout stage an lut ang.