Man United training lai video a darh

Mauricio Pochettino hnuaia Man United training hmasa ber video chu drone hmanga lak minute 22 chhunga rei chu a darh a, Liverpool an hmachhawn huna starting XI-a ngaih theih tur player-te thlengin a lang vek.

Argentine manager player thlan dan enin tlarhnungah defender pali an hmang dawn a, chutihrualin ball an chan lai erawhin 3-5-2 formation-a khel turin an inzir. Defence laiah Harry Maguire leh Lisandro Martinez te an inkawp a, right back-ah Leny Yoro awmin left back-ah Luke Shaw a awm. Bul ṭantu dangte hi Andrey Santos, Kobbie Mainoo, Bryan Mbeumo, Bruno Fernandes, Matheus Cunha leh Joshua Zirkzee te an ni.

United-in ball an chan chiah hian Shaw-a'n mual vei lam aṭangin a nawr tel a, dinglamah Mbeumo awmin Santos leh Mainoo ten attack puih pahin defender pathum dang an thlawp a, tlarhmaah Zirkzee awmin a hnungah Bruno leh Cunha te an awm. Chutihrualin nimin leh vawiinah United hian training an la nei dawn tih erawh hriat a ṭha. He thuziah lai hian video darh chungchangah Man United-in thuchhuah an la nei lo.