
EPL club-ten City an do dawn!
Premier League club-te chuan Manchester City sponsor-ten EPL board an khing a nih chuan, EPL board-in legal fee-a an senso turte chu tumsak turin thutlukna an siam - City tan chuan hriat a nuam lo khawp ang!
Manchester City hi dik lo taka sum hmang a, transfer hrang hrang kalpuiah puh niin, thubuai 115 siamsak an nih zinga 114-ah thiam loh chantir an ni. City hian an thubuai hi an khinglet mek a, hrem an nihna tur tak a chiang lo.
Hetiang boruak karah hian City sponsor-tu Etihad leh Etisalat te chuan Premier League chu khinletah an vau a, hei vang hian EPL club-te chuan an league khelh mekna thuneitute humhim turin hma an la ve ta a ni.
Ningani khan EPL club 20-te hi London khawpuiah an inhmukhawm a, he inhmuhkhawmah hian club 18-te chuan EPL legal fee tumsak turin thutlukna an siam - a duh ve lo club pahnih hi Manchester City leh Nottingham Forest an ni.
City hi khelmual pawn lamah pawh an talbuai mek a, tam tak chuan club buaina hian player-te rilruah nghawng lian tak a nei niin an ngai - league match thum chu a zawnin an tlawm tawh!
Enzo Maresca enkawl team hian zanin dar 6:00-ah Fulham an mikhual dawn a, Manchester khaw club hian champion mitthla chhunzawm an tum a nih chuan tlawm a thiang tawh lo.