
Coach thar hoin Goa inlan dawn

ISL club FC Goa chuan coach thar Ángel Viadero an neih hnua an macth hmasa ber chu zanin dar 7:30 hian an khel dawn a, NorthEast United an lenchilh ang.
Goan club hian Manipur coach Gouramangi Singh hoin season bul an ṭan a, mahse, league match liah vawi khat chiah hnehna a chanpui a, vawi hnih draw neiin, vawi khat an tlawm a, India international hlui nen hian an inṭhen.
FC Goa hian Spanish coach Viadero chu season tawp thleng atan an la lut zui a, kum 57 mi coach hi Eibar leh Racing Santander pawh lo enkawl tawh niin, a lakah beiseina a sang khawp ang.
Goa-ah hian Isak Vanlalruatfela leh KC Malsawmsanga te an awm a, an lenchilh tur Highlander hian Mark Zothanpuia leh Lalrinzuala an kawl thung.
Vawiin tlai dar 5:00-ah PC Laldinpuia, Ayush Chhetri leh C. Lalhriatpuia te awmna Chennaiyin chuan Punjab FC an mikhual dawn a, Pathianni zan dar 7:30-ah Lalengmawia Ralte leh Lallianzuala Chhangte khelhna Bagan chuan Churchill Brothers an lenchilh dawn bawk.
Churchill-ah hian Lalbiakhlua, Lalremruata Ralte leh Freddy Lalrinkima te an awm.