
Mizoram Police-in Punjab an sawp
75th B.N. Mullik Memorial All India Police Football Championship-ah Mizoram Police chuan nimin zing khan Punjab 4-1 in an sawp. MPFC tan Lalfakzuala'n goal hnih a khung bakah defender Lalhmunmawia'n a khung a, goal lina hi Punjab player-in an lama a tih luh a ni.
Chandrapur ground, Agartala-ah inelna hi neih a ni a, Mizoram Police hian match hmasa berah Andaman & Nicobar 2-1 a an hneh hnuin CRPF nen goal awm loin an inhnehtawk. Match thum aṭangin MPFC hian point sarih an hmu a, November 22, Pathianni chhun dar 11:00-ah Puducherry an hmachhawn leh ang.