Spain-a zin tur zingah Siami

India hmeichhe hockey team chuan January 4 aṭang hian training an nei ṭan leh nghal tawh dawn a, Mizo nula Lalremsiami Hmar pawh senior team tana feh chhuak turin koh zingah a tel.

India nulate hian Europe-ah tour an nei dawn a, a hmasa ber atan January 24 hian Spain-ah an zin ang. Training nei tur hian player 33 koh phawt an ni a, coach Sjoerd Marijne chuan ngawrh takin inbuatsaihna an kalpui nghal tur thu a sawi.

Marijne chuan, "Kan tum ber chu Olympic khel phak tura tlin a ni dawn a, chumi tur chuan kan intuai hriam zel dawn. Tunah hian kan zin chhuah hmain ni 10 chhung vel training kan nei hman dawn a, a 

ṭha thei ang bera hman kan tum ang. Tuna kan tour tur hi tournament ni lo mah se player ṭha dangte nena inelna hun ṭha a nih dawn avangin ṭha taka tih a ngai dawn," a ti.

Goalkeepers : Savita, Rajani Etimarpu, Sonal Minj.

Defenders : Deep Grace Ekka, Sunita Lakra, Sushila Chanu Phukhrambam, Gurjit Kaur, Rashmita Minz, Suman Devi Thoudam, Mahima Choudhary, Nisha, Salima Tete.

Midfielders : Nikki Pradhan, Monika, Lilima Minz, Namita Toppo, Neha Goyal, Udita, Jyoti, Anuja Singh, Shyama Tidgam, Sonika, Karishma Yadav.

Forwards : Rani, Lalremsiami, Navneet Kaur, Navjot Kaur, Rajwinder Kaur, Vandana Katariya, Anupa Barla, Priyanka Wankhede, Reena Khokhar, Leelavathy Mallamada Jaya.