Mizo boxer-in quarterfinal lut
Mizo hmeichhe boxer pahnih Kros Hmangaihsangi leh Vanlalduati ten 3rd Elite (senior) Women's Boxing Championship leh All India Police Meet-ah quarterfinal an lut.
Women's Boxing Championship hi Bellary, Karnataka-ah December 31 aṭang khan khelh ṭan a ni a, Mizoram aṭangin boxer paruk kal mah se boxer ṭha pali Lalfakmawii, Lalbuatsaihi, Rebecca Lalinmawii leh Lalnunfeli te chu transfer fel lo leh services-a hna an neih avangin an inlan thei lo.
Inelnaah pahnih chauh an inlan thei a, ITI nula TC Lalremruati chu kg 57 category-ah inlanin quarterfinal an thleng pha lo. Saron Veng nula Kros-i hian vawiinah quarterfinal a khel dawn a, coach Sete chuan semifinal thlen an inbeisei thu Vanglaini a hrilh.
Women's Boxing Championship-a quarterfinal thleng chin hian National Games an khel thei dawn a, Kros-i hi tun ṭuma a chet ṭhat avangin ram pum huap inelna lianah hian a inlan thei dawn tihna a ni.