Srikanth-a'n Sugiarto a hneh

Premier Badminton League khelh mekah Nilaini zan khan Benga­luru Raptors chuan table mawngphaha awm lai Delhi Dashers lakah 2-1 in hnehna an chang a, Bengaluru chhuanvawr Kidambi Srikanth chuan Indonesia tlangval Tom­my Sugiarto chu 15-6, 12-15, 15-10 in a hneh a, a team hi pangana a nihpui.

Season hmasa lam ang lo takin kumin PBL-ah hian team pakua an inlen a, an inkhelh kual hnuah a sang paliin semifinal an khel ang. Point 17 nei tawh Hyderabad Hunters chu hmahruaitu niin an hnuai chiahah hian Mumbai Rockets an awm.

Zanin dar 7:00 hian pathumna ni lai Ahmedabad Smash Masters leh an hnuai chiaha awm Awadhe Warriors te an inkhel ang.