Khalid hoin Bagan an chak nghal

Aizawl FC coach hlui Khalid Jamil enkawlna hnuaiah Mohun Bagan an insiamṭha nghal a, Jamil hoa an match hmasa berah an mikhual Minerva Punjab chu 2-0 in an hneh nghal. 

Jamil-a'n a team enkawl hmasak berah Henry Kisekka chu bench-ah dahin Aser Pierrick Dipanda Dicka chungah rinna a nghat nghal a, a tisual lo chiang hle. 

Kum 29 mi Dicka hian minute 30-naah penalty a hlawh chhuak a, an hun ṭha neih hi Omar Elhussieny chuan goal-ah chantirin tihsual a nei lo. 

Minute 69-naah Dicka hian an goal hnihna a khung ve leh a, hei hi Sony Norde siamsak a ni. Hun tawp thlengin Minerva-in a chhanletna tur an nei lo a, Jamil enkawlna hnuaia an match hmasa berah 2-0 in Mohun Bagan an chak.

Zaninah I League inkhel pakhat a awm dawn a, Churchill Brothers chuan dar 5:00-ah Gokulam Kerala an mikhual dawn a ni.