Seeded pakhatna Isner a chak lo

Australian Open inbuatsaihna tournament zinga pakhat Auckland Classic-ah seeded pakhatna John Isner chu nimin khan a chak lo. American tlangval hian Taylor Fritz a ngam loh avangin second round chu a zinkawng tawpna a ni.

World number 10 Isner hian a service neih ṭhat chhawr ṭangkaiin vawi 26 ngawt aces siam thei mah se, darkar khat leh minute 39 an inkhelh hnuah 7-6(3), 7-6(5) in a chak lo zawkah a ṭang.

World number 50 Fritz chuan, "Isner kha hneh theih a ni tih ka hria a, chumi tur chuan point hmasa ber aṭanga a tawp thleng khan tha thlah miah loin ka bei a ni," tiin a sawi.

Fritz hian a match lehpekah chuan Britain tlangval Cameron Norrie a hmachhawn leh dawng, Norrie hian Joao Sousa chu 7-6(5), 6-4 in a lo hneh ve thung a ni.

Inkhel dangah American player Tennys Sandgren chuan quarter-final lut turi n seeded pathumna seed Marco Cecchinato lakah 6-3, 6-3 in hnehna a chang a, semifinal thleng tur chuan Leonardo Mayer a paltlang leh a ngai ang.