India tan Mizo an che ṭha

India Under 16 Team chuan intuai hriam nan United Arab Emirates-ah tour an nei a, January 8 khan Dubai-ah UAE nen inkhelin 3-3 in an inhnehtawk. 

India tan hian TC Vanlalruatfela chuan goal hmahruai a khung a, goal hnihna hi P. Lalrampana khung a ni. Fela hi Tata Trusts Centre of Excellence (COE) captain a ni a, Rampana hi SAIL Football Academy-a awmlai a ni thung. Anni pahnih bakah hian Aizawl FC Academy midfielder  Lalchhanhima Chawnghlut a tel bawk a, Mizo pathum an tel tihna a ni.

Fela leh Chhana-te hi Mizoram Under 15 League player-te an ni a, U 15 League-in rah ṭha a chhuah nghal a ni.

India U16 team hian January 12 hian  Saudi Arabia an tum leh ang a, hemi zawh hian Dubai leh a chhehvela club Sahab.Al, Al-Nassr leh Al-Wasl te an khel leh ang.