Dubai-ah United an thawkrim

Manchester United chuan Dubai-ah training a nei mek a, manager lailawk Ole Gunnar Solskjaer chuan a hlawkpui thu a sawi.

Solskjaer chuan, "Player-te hian nupui leh fanaute an kalsan satliah lo. Hmun khata kan awm khawm vek avangin hun kan ngah a, kan khelh dan bel turin video hmangin kan inzir uluk hle. Training ground-ah pawh hun tam zawk kan nei thei a, chutihrualin kan khelh hma-bak hautak zet aṭangin kan inzir belh ang," tiin a sawi.

Manchester United hian tun Pathianni hian Tottenham an tlawh dawn a, hemi zawh hian Brighton leh Arsenal (FA Cup) te an hmachhawn zui dawn.

Norwegian manager Solskjaer chuan, "Team chhungah inlungrualna a awm ṭha tih hi ka hre thei a, kan boruak hi a ṭha hle," tiin a sawi a, Newcastle nen an inkhelh ṭuma hliam tenau tuar Paul Pogba chu Spurs nen an inkhelh hmain dam hman se a tih thu a sawi bawk.