Chinese club-in Arnautovic an duh

West Ham striker Marko Arnautovic chu Chinese club a hming tarlan loh chuan pound maktaduai 35-in an dawr a, mahse London club hian chhuahtir tumna an nei lo niin an sawi. 

Kum 29 mi Austrian striker hian Hammers tan tun season-ah inelna hrang hrangah match 17 khelin goal riat a khung a, Manchester United nen sawizawm a lo ni tawh bawk.

Hammers hian Inrinni khan FA Cup third round-ah Birmingham City chu 2-0 in an hneh a, Arnautovic hian goal hmahruai a khung hnuah minute 20-naah lakchhuah a ni a, a thinrim hle.

Chinese club hian hei hi remchangah lain lakluh an tum niin a lang a, mahse manager Manuel Pellegrini chuan a striker hi a inhliam avanga lakchhuah a nih thu a sawi thung. 

Tun hnaiah Chinese Super League club ten Europe lam hawiin thawm an nei leh ṭan tawh a, Tottenham midfielder Mousa Dembele pawhin Beijing Guoan chu pound maktaduai 11-in a zawm dawn niin khawthlang media te chuan an tarlang.