Villa a chawl dawn

Spain tana goal khung hnem ber David Villa chuan thla thara J League season zawhah inkhelh a chawlhsan dawn. Kum 37 mi forward hi Japanese club Vissel Kobe tan a khel mek.

Barcelona striker hlui Villa chuan, "Kum 19 zet professional football ka khelh hnuah tun season tawp hian inkhel ka chawlhsan dawn. Ka team khelh tawhna te, coach leh khelhpui zawng zawng te ka duhthusam min tihhlawhtlintir avangin inchungah ka lawm a. Engtik lai pawha min thlawptu ka chhungte chungah ka lawm takzet bawk," tiin twitter-ah a ziak.

Villa hian Barca tana a khelh laiin La Liga title pahnih leh Champions League nomawi a chawi a, Spain tan goal 59 khungin World Cup vawi thumah inlanin 2010-ah a champion pui a, hemi hma kum hnih hian European Championship-ah a champion pui bawk.