Ranking Badminton Tournament 2019

Yonex-Sunrise All India Masters Ranking Badminton Tournament neih mekah Lalmuanawma leh Lalthanzuala te chuan an category ve veah champion nomawi an chawi. 

Bangalore, KTK-a neih inelnaah hian 40+ Men's Singles-ah Lalmuanawma chuan 21-12, 21-19 a Ashish Sharma, Chandigarh hnehin nomawi a chawi a, 50+ Men's Singles-ah Lalthanzuala chuan 21-10, 21-10 a Ajay Bhagwat(4/5) Maharashtra chu hnehin a champion ve bawk. 

35+ Men's Doubles ah Muanawma leh H. Lalremruata te ṭang dun chuan quarterfinal lut mah se a aia sang an thleng zo ta lo a, 50+ Men's Doubles-ah Thlamuana leh Thanzuala ten quarterfinal an paltlang thei ta lo bawk. Vawiin aṭangin 55+ chunglam inelna neih a ni ve leh dawn a, F. Zokima leh Ramzauva te an inlan ve leh ang.