GSW lakah Lakers an chak
Nimin zing khan NBA regular season inkhel ngaihven hlawh bik a awm a, LeBron James awmna Los Angeles Lakers chuan Golden State Warriors lakah 120-94 in hnehna an chang.
Golden State lakah James-a'n point 23 a neih bakah assist vawi 12 neiin double-double a nei leh. Lakers hi Toronto Raptors laka an chak loh hnuah a zawnin match hnih an chak leh ta, GSW hma hian Phoenix Suns chu 123-115 in an lo hneh tawh bawk.
MBA regular season match 11 an khelh tawhah Lakers hian vawi kua hnehna changin Western Conference hmahruaitu an ni. Warriors erawhin hun duhawm lo hman chhunzawm zelin table mawngphah luahtu an ni a, match hnih chiah hnehna an la chang.
Nimin zing NBA Results
Orlando Magic 112 - 97 Philadelphia 76ers
Memphis Grizzlies 119 - 117 Charlotte Hornets
Boston Celtics 140 - 133 Washington Wizards
Minnesota Timberwolves 129 - 114 San Antonio Spurs
Houston Rockets 102 - 93 Los Angeles Clippers
Los Angeles Lakers 120 - 94 Golden State Warriors
Toronto Raptors 114 - 106 Portland Trail Blazers