Srikanth-a'n semifinal a lut

Hong Kong Open khelh mekah nimin khan India tlangval badminton khel thian Kidambi Srikanth chuan semifinal a inhlangkai, quarterfinal-a a hneh hi Chen Long a ni.

Srikanth hi world number 13 nilai a ni a, seeded pawh a chang phak lo. India tlangval hi Rio Olympic champion lakah chak lo tura rin zawk a ni. Mahse, kum 2017 hnua a vawi khat nan Chinese tlangval hi 22-20, 21-16 in a hneh.

Tun tournament-ah hian Indian shuttler an che fuh lutuk lo, nimin tlai thleng kha chuan Srikanth chiah hi a dam tawh. Ani hian final lut tur chuan Lee Cheuk Yiu leh Viktor Axelsen te inkhela a chak zawk a paltlang leh a ngai dawn a ni.