Masters Ranking Badminton-ah Mizo champion

Yonex-Sunrise All India Masters Ranking Badminton Tournament-ah F. Zokima a champion a, 70+ Men's Singles-ah Madhya Pradesh shuttler Basant Kumar Shikari (Madhya Pradesh) chu minute 22 chhungin 21-12, 21-16 in a hneh a ni. 

Bangalore khawpuia neih inelnaah hian 55+ Men's singles final-ah K. Ramzauva a vanduai thung a, Maharashtra badminton player Ayyapan Rajshekhar chu  21-14, 26-24 in a ngam lo. Kar hmasa khan Lalmuanawma (40+ Men's Singles) leh Lalthanzuala (50+ Men's Singles) te chu he inelnaa an telna category-ah an lo champion tawh bawk a, Mizoram-in gold pathum ngawt an hawn tihna a ni.