Mizo naupang ten tournament lian an khel dawn

November 19-23 inkara Singapore-a khelh tur International Youth Series-ah Saitluangpuia a inlan dawn a, Under 15 huangah inelna hi a hmachhawn ang. 

Ramhlun Venglai PWD Tlang naupang Saia hian Boy's singles leh doubles-ah inelna a hmachhawn dawn a, inelna pahnihah hian main draw lut nghalin India aṭanga he inelna hmachhawn tur zingah qualifier khelh ngai loa main draw khel tur awmchhun a ni. 

Hetihlai hian January 2020-a Badminton Association of India (BAI)-in inelna a buatsaih tur Khelo India Youth Games 2020 atan Joseph Vanlalringngheta chu a tling bawk a, Guwahati-a neih tur inelnaah hian Kulikawn rawlthar hi Under 17 leh 19-ah a inlan ang.