Harden hoin Rockets an kang sang

Houston Rockets tan James Harden-a'n point 49 ngawt a score chungin a team a chakpui leh ta. Nimin zing NBA regular season inkhelah Rockets hian Minnesota Timberwolves chu 125-105 in an hneh.

Rockets tana changtupa Harden hian court chhungah minute 39 hun a hman chhungin shot vawi 41 a nei hman a, 3-pointers nei tura vawi 22 a shot zinga pariat chu a hlawhtling; point a neih hnem bakah rebounds vawi nga lain assist vawi ruk a nei bawk.

NBA Western Conf-erence lamah Rockets hi pahnihna an ni mek, match 13 an khelh tawhah vawi 10 an chak. Thawhlehni zing dar 6:30 hian Portland Trail Blazers nen an inhmachhawn leh ang.