Cardiff boss thar Neil Harris

Championship club Cardiff City chuan Neil Harris chu an coach thar ni tura an lakluh thu an puang a, kum 42 mi coach hian kum 2022 nipui thleng enkawl turin contract a ziak. 

Cardiff neitu Vincent Tan chuan, "Kan club enkawl tura Neil kan lalut thei hi ka lawm takzet a, khelmual chhung leh pawn thlenga a hnathawh avangin a chungah rinna ka nghat tlat a ni," a ti. Kum 70 mi Neil Warnock chuan kum thum zet a enkawl hnuah kar hmasa khan Cardiff City hi a chhuahsan a, season hmasa khan Premier League khel turin a inhlankaipui. 

Mahse, season khat bak hun hmang loin Championship lamah an tla thla a, tun dinhmunah 14-na ni mekin match 16 an khelh tawhah point 21 chiah an la nei a ni.