Boxing Association president Dr Zorammawia a thi

Mizoram Boxing Association (MIZBA) president Dr Zorammawia (Ma-a) chu November 16, Inrinni zan lai dar 12:40 khan lungphu chawlin (heart attack) a thi.

Nimin khan Ma-a vuina hun hi Mc Donald Hill, Zarkawta an chenna inah hman a ni a, Mizoramin infiamna huanga mi pawimawh a chan. Dr Zorammawia hi kum 59 mi a ni a, Mizoram Boxing Association-ah kum 2016-2013 leh tun term kal lai mek (2015-2019) ah te President  hna chelhin a term chhung hian boxer tam takin hna an neih phah. 

Mizoram Football Asso­ciation (MFA)-ah pawh kum 1993-1996 khan Assistant Secretary hna a chelh tawh a, Liando Football Club dintu zingah telin national level-ah football team a fehchhuah pui fo a ni. Mizoram State Games 2019-ah hian Aizawl North III Constituency-ah working chairman a ni mek bawk.