Chak ka ngai pawimawh ber - Firmino

Liverpool forward Roberto Firmino chuan team chakna tur a nih phawt chuan manager Jurgen Klopp-a'n khawi position-ah pawh dah se a lungawi thu a sawi.

Brazilian forward Firmino chuan, "Goal leh assist hmangin team puih hi ka duh dan a ni a, chak reng mai hi ka duh. Team-in min mamawhna hmunah a ṭul ang zelin ka insiamrem thei a, no. 9 a ni emaw no. 10 pawh ni se kei chuan theihtawp ka chhuah ṭhin. Chak hi a pawimawh ber," tiin mimal aia team a dah pawimawh hmasak thu a sawi.

Kum 28 mi Firmino hian tun season Premier League-ah goal thum a khung tawh a, season hmasa paliah goal 10 a khung tling vek.